上星期，正開心jumbo愈來愈好，那知星期六早上，唔知邊個打開左我隻愛情鳥的雀籠門，隻母雀飛走左，隻公就飛左落樓梯找我。一見我，好似叫救命一樣，我抱起佢放回籠，卻已不見母雀。

我見隻公即刻down晒，down到俾零食條條佢都唔食。係0甘同我講「好掛住，好掛住，好擔心」。成晚唔食野，第二天仲好似死得0甘.........嚇到真係=_=

那知星期日下午，我聽見隻公無啦啦叫，跟住我又聽到隻母雀的叫聲，隻衰女去完玩一晚，都係係覺得楊過最好吧，於是就回來了。她站在對面屋天台跟我們對峙，我把公的雀籠放在天台上。搞足三個鍾，先搞店到，隔來左右都看我們捉雀大行動...........後來捉到了，更拍手叫好。

奇怪的是，母雀一回來，便呵了一粒蛋。

究竟，係人地搞大佢，定係佢想出去生蛋呢?!?!?!

anyway，佢地而家又相親相愛的生活下去。唔知佢出去係唔係識左一班friend，佢而家朝朝早都有好多雀仔係我天台，佢地會踢d 雀食物在地上等佢地有得食。=_=

是蛋啦，番來一家人就好了。

上星期不知道為什麼，心血來潮似的拿了幾天假，而那幾天就像是短短的夢魘。

我最喜歡的小b女(雀仔)死了，之後jumbo無端端呵血嘔血，送去醫生時已經奄奄一息，血驗報告顯示出有肝癌和parvovirus(真係R晒頭點解有呢樣野)。我看見都已經是離留之間似的，當過獸醫助護的我就決定讓她痛快的離開。

說也奇怪，狗狗到這地步，那獸醫堅持不PTS(put to sleep)。還要我做手術、之類之類。講到尾你欺負我要錢吧，我不會上當。

我坐的士到第二間診所時，說也奇怪，jumbo跟我說「媽咪，帶我回家去，我不要死在診所裡，至少也要跟hei hei和tiger一起說再見」。我心想，陰公啦她前生大半都是在狗場過，岩岩有幾年好日子就要.........想起都忍不住全程係的士和船喪哭。

我想起了幾年前，跟karen學animal healing後，收到jumbo一個message說「我只能跟你在一起四年」，剛剛的5月就是第四年，成真了。真是，六合彩又唔見我同部機傾到d number番來。