我個名叫喜喜，全名何喜喜，本來我的生活無憂無慮，鍾意就拉屎、拉尿、狂吠.....我以為我係大家姐，全世界人/狗都要看我臉生存....直到昨天的下午6時30分，我仍是全世界人/狗的公主，無人之下億人之上，過著公主一樣的生活........直到......

6時31分，媽媽帶來了一位白白淨淨的女子，來到還笑容好好的，那知幾秒之後，那姐姐要媽咪示範平日叫我做指令的事情。......我嗎....是公主....指令的事情，有食物就好辦事，無食物就我點解要聽你之笛呀，你當我tiger lulu 定係jumbo lulu? 我係喜喜公主，我唔係lulu!

我不爽的，跳上sofa，看著媽咪，我知她一定被我電暈的.....我呢d眼神，呢d笑容，我係佢地番工的時候想個千次萬次，佢地心軟的弱點是我必須要放大再放大，攻陷再攻陷的.....那知....

笑容滿臉的姐姐突然收起笑容，十分低沉的說了一句「jump down」。咩呀，你低音強中音勁我喜喜公主就要怕你? 你慳d啦，同我鬥法，你咩料呀? 那知，姐姐一手抽著我的耳朵，把我拉往地下去，我死都唔肯，我公主來的啊，0甘樣無晒面，佢就更大力，跟住我希望媽咪會拯救我啦....點知佢的眼神好堅定，認為這樣做才對。

..................哇...... 媽咪，你唔愛我啦?

*三秒後* 被按在地上，中要被人搖fing，要我認輸.........我的尊嚴....我的自我，ego....被粉碎了一大半......

我唔彩媽咪，看她會不會心軟先.............

如果是養開動物的朋友，動物離開了自己之後是什麼心情，只有他們會明白。

我今天看看日曆，明天是假日，的確很開心，可是9月26日也是很沉重的一天。去年的今日，我失去了annie，我沒有忘記過她。有時夢中仍會看見她和我在沙灘奔跑(但我沒有機會帶到她去沙灘).....她長得高高如一隻小飛馬金光閃閃。

這一年我的心態都轉了，變得很平靜，但是想起annie和她生前被人虐待的事情，我的心仍是會有所戚戚然，明知自己什麼都做不了，但又會為她不值。

如果這個世界有神，神為什麼要她受這種苦?

如果這個世界有輪迴，annie以前是否做了很多壞事今世要被這樣虐待?

當我找不到答案時，annie卻跟我說「總之我現在過得很好，好極了。」

只是在我心中，希望你多留幾天，多給你一些愛，希望你多看我幾眼。不過，我們今晚一起吃月餅，你要準時來玩啊!

雖然人家用石石凡拋我家是不對，但是作為狗主的我，也應自我檢討。一般來說喜喜是巴巴閉的，在街上如果係walk on leash佢係痴左線。但係unleash的話，佢就正常番仲會坐全樹等我行過來，unleash時見狗不吠而且十分友好十分得意。on leash時就吠到我面都紅，但係佢係我個女，我點都係錫佢。

錫還錫，愛還愛，如果佢真係吠不停(雖然我不相信她是吠不停)我都會覺得討厭。上星期四，決定雙管齊下。首先找了美國的老師karen作了一個遙遠的治療，星期日我問鄰居時，她說「我星期五時仲以為你帶走左佢tim，佢成日都無吠過一聲」。@_@ karen老師果然就是勁，前年幫我搞定了jumbo的depression，今年又搞好了喜喜。

得出以下的結論:
1) 運動不足所致(0下已經日日成1小時hiking啦bor.....我行到就快又會椎間盤突出啦.....)
2) vaccine的side effect (所以我決定除了打rabies唔再打vaccine給她吃holistic vet 說的東西去作預防)
3) 過份精神緊張(karen老師說是來自我的影響)

星期六，我就跟著karen的方法，一定要on leash的30分鐘fast hiking。唔俾佢嗅樹、草or狗，因為這樣難度高我唯有6am出門。果然30分鐘密集式的運動要她十分集中力，後來去到沙灘佢pa係樹唔多玩(我都pa左係樹)。星期日都是如此，昨天她連我出去買東西回來時都不再吠，連走出來叫我都懶洋洋的。今早再來一次(其實我都就pa係樹行唔到.....)，穿了雨衣風雨不改，再來一次，回去之後她好像死了一樣，到我出門口番工先看一下，平時都會annn annnn annn 幾句，今日我聽見她fung一聲跳番上sofa教教豬......。隨此之外，她應該知道我緊張的是怕她被鄰居的石整親，她昨天竟然不上天台玩!!!

而我放鬆了一大半，心情也好了。星期三，有一位上門的trainer，我用pendulum check 同喜喜的合拍度係有80分，比其他任何一個都高。而且我們在電話上都聊起animal communication同其他按摩等等的事情，十分一講如故似的。她都想學animal communication，星期三會跟他詳談呢，而她就十分想學tellington touch，要等明年karen回來才可以呢。

meanwhile用緊karen所說的小小Cavalettis(好矮的jump over)和30分鐘fast hike(行去風車再行回來，死0甘制.....晚晚都腳抽筋....但係為左阿女，一定要做，我發現連tiger都pa底.......)

will keep posting process!!!!!!!!!!

昨天先寫完，今天那賤人又升級，見投訴無用，而我的狗狗又吠小左好多，警察當然就收手唔理。第一，狗係會吠的，你無可能expect我隻狗成日唔會吠一聲。r小姐跟我住個大半年，喜喜的吠pattern係點，第三者可以作準。佢係俾其他狗吠多小小，講緊係可能一小時先有幾聲，大部份時間都訓教。令我會吠就是nick行過(佢有幾隻狗一起跑)，佢先會吠。

星期五佢投訴了我比隻狗由早上吠到晚上，我問過鄰居，都唔係。

去年也是這時間，他們當住我 + r小姐 + s小姐面前用bb gun射我d 狗狗，因此我的狗狗好記得佢。只要一看見就會吠佢，但係已經有好長時間沒有再0甘。

直到今早，我帶喜喜去散步之前(6am)，我清潔了天台。跟住回來時，天台來了四舊成隻掌頭大的石。天台話晒係2樓，風吹唔到0甘重的石啦。當然我沒有親眼看見佢fing舊石過來，但係100%係佢因為前邊和旁邊的屋沒有人住。而可以fing石的範圍就只剩他們。

今早去報警，終於有三位似番個警察的人同我講野，佢地透露原來那兩個din人，成日打九九九，狗吠又打，貓叫春又打，打痳雀又打，bb喊又打。

講真，有咩事你0米走來同我講，你fing d石過來係咩事，迫我要將d 狗困入屋。tiger最喜歡係天台晒太陽跟住落番去食下野飲下野。呢兩個賤人(其實佢地成間樓3層都討厭我們，由第一星期搬入去就accuse我地吉佢地單車車輪，r 小姐對此事十分清楚)，跟住又周圍唱我地d唔知咩，全世界看我們好似殺佢地條村0甘。

當然後來發現原來他們討厭我的業主(出於憎人富貴的心態) ....... help =_= 

人真係有好多種，搬入來南丫島之後才可以更深的體會。由搬進來第一星期起，鄰居已經十分不友善，進而無中生有的中傷我和當時一起分租住的r小姐後，更有用氣槍(當住我地面前)射我d 狗狗。當然報警啦，而南丫島的警察真係家和萬事興家衰口不停地cute的說「佢用槍射你d狗只係同佢地say hi!!!沒什麼大不了」....... 哇，你借之手槍我打瓜你我上法亭同個法官講我say hi之嗎，我無心，得唔得? 南丫島係唔係養狗天堂，住了成一年我只能說有好多人(洋人especially)討厭狗的話，佢地係會好變態的。

不過，今日講的呢件事，把我本來好生氣(跟那家用氣槍射我狗的衰人發生了點事)的一天，變得離奇怪異。

話說星期日晚，10點幾，突然傳出巨響嘭一聲，跟住就不停的由上至下，遠至近，嘭嘭嘭。跟住d聲係我門口似的，我以為有人想整架單車或是推車。本來想開門就「小」人，但係開門之前我聽見有一把十分忿怒的男人聲係0甘用中文問候人家的母親。

「x你老母! x你老母!! xxxx!!!」

因為老公仔不在家，而我又要保護3隻狗狗，絕不能大意。於是我走上天台，看一下什麼人搞事。那知我看見一幕驚心動魄的場面:

男人正用木棍不停拍打已經被分屍肢體了的分體冷氣機........而且不停的向那冷氣機問候它的老母。比起如果是被人搞單車/推車來得更令人震驚，我怕驚動那人，攝手攝腳的爬回meditation room，開了小小的窗隙偷看。

「x你老母!! x你老母!」

我看著冷氣機被分體，突然四周走來的人也拿著掃把、地拖棍.....